დღესდღეობით საქართველოში არის პრობლემა, რომლის მიხედვითაც ადამიანი ან კომპანია, რომელსაც სურს ინვესტიციის გაკეთება, ვერ პოულობს რეალურ ალტერნატივებს თანხის დასაბანდებლად.
ფაქტია, მიუხედავად იმისა, რომ ბაზარზე არის კომპანიები, რომელთაც სჭირდებათ ინვესტიციები, ინვესტორებს არ შეუძლიათ ამ კომპანიების მოძიება. როგორ იქცევიან საქართველოში ის ადამიანები, ვისაც აქვთ გარკვეული თანხა? ისინი ან დებენ ფულს უძრავ ქონებაში, ან მიაქვთ ბანკში, რაც საბოლოო ჯამში არ უზრუნველყოფს ქართული ბიზნესის განვითარებას.
ეს გამოწვეულია საქართველოში საინვესტიციო ბაზრის არ არსებობით და როგორც ინვესტორების, ასევე ინვესტიციების მაძიებლების მხრიდან ერთმანეთისადმი გარკვეული უნდობლობით.
ჩვენ გთავაზობთ
ჩვენი ექსპერტები ეხმარებიან ინვესტორებს, რომ მათ მოიძიონ კომპანია, რომელიც არის ფინანსურად მდგრადი, საინტერესო და აძლევენ რეკომენდაციებს კონკრეტული ინვესტიციის განხორციელებისათვის. ამასთან, ჩვენ არა მხოლოდ უზრუნველვყოფთ ინვესტიციის მოძიებას, არამედ შევასრულებთ შუამავლის როლს მთლიანი მოლაპარაკების პროცესში და ამით დავიცავთ თქვენს ინტერესებს სრულყოფილად და გარიგების დასრულებამდე.
მოცემული გარიგების მიხედვით, თქვენ შეგიძლიათ იყოთ როგორც აქტიური, ასევე პასიური ინვესტორი. თქვენზე იქნება დამოკიდებული, სრულიად ჩაერთვებით კომპანიის მართვის პროცესში თუ არა.