ნებისმიერი ორგანიზაცია თავისი საქმიანობისათვის საჭიროებს ძირითად საშუალებებს, მათთვის მაკომპლექტებლებს, ნედლეულს, მასალებს, საბრუნავ ტარას და სხვა შესაფუთ მასალებს, რომელთა საუკეთესო ხარისხით და დაბალი დანახარჯებით შესყიდვა, შესაბამისად განაპირობებს წარმოებული თუ გასაყიდი პროდუქციის დაბალ ფასს და კონკურენტუნარიან ხარისხს ბაზარზე.
სწორედ ამაში გვეხმარება შესყიდვების მენეჯმენტის სერვისი, რომელიც უზრუნველყოფს კომპანიების შესყიდვების მიმართულებით ხარჯების მუდმივ შემცირებას. ამ ყველაფრისთვის მნიშვნელოვანია, რომ შესყიდვებში მომუშავე ადამიანებს ჰქონდეთ შესაბამისი კვალიფიკაცია და ცოდნა.
რას გულისხმობს შესყიდვების მენეჯმენტი?
მოცემული სერვისი გულისხმობს ზოგადად ბაზრის და მომწოდებლების კვლევას და შეფასებას. მათთან მოლაპარაკებების წარმოებას იმისათვის, რომ მოხდეს სხვადასხვა პროდუქციის უფრო დაბალ ფასად, უკეთესი ხარისხით და პირობებით შესყიდვა.
განხორციელდება ადგილობრივ მომწოდებლებთან საქმიანი ურთიერთობების დალაგება, ალტერნატივების მოძიება და იმ სახის კონტრაქტების გაფორმება, რომელიც ხარჯების დაზოგვას უზრუნველყოფს. ამავდროულად შესაძლებელია მსოფლიოს მასშტაბით, ნებისმიერი ქვეყნიდან შესაბამისი მომწოდებლის მოძიება და შესაბამისი კონტაქტების დამყარება.
ჩვენ გთავაზობთ
ჩვენი ექსპერტები, შესაბამისი კვლევებისა და ანალიზის საფუძველზე, დაგეხმარებიან დაზოგოთ თქვენი კომპანიის შესყიდვის დანახარჯები, მოახდინოთ მრავალი შესაძლო ვარიანტებიდან საუკეთესოს შერჩევა, გქონდეთ საშუალება გაზარდოთ მომწოდებლების დიაპაზონი და გააფორმოთ სტაბილური კონტრაქტები, რათა უზრუნველყოფილ იქნას თქვენი რისკების შემცირება, და ამავდროულად მოგეცეთ საშუალება გახვიდეთ საზღვრებს გარეთ და მოიძიოთ ათასობით კომპანია კიდევ უფრო მეტი პოტენციალით და შესაძლებლობებით.