როგორც ვიკიპედია განმარტავს, მოლაპარაკება — ეს არის კომუნიკაცია მხარეებს შორის, თავიანთი მიზნების მისაღწევად, რომლის დროსაც ყოველ მხარეს აქვს თანაბარი შესაძლებლობები სიტუაციის კონტროლისა და გადაწყვეტილებების მიღების კუთხით, რაც საბოლოოდ მყარდება ხელშეკრულებით.

შინაარსი

მოლაპარაკებები ეს ის ინსტრუმენტია, რასაც ადამიანი თავისი მიზნის და სურვილების მისაღწევად იყენებს. მოლაპარაკებები — ეს ჩვენი ყოველდღიურობა და ფაქტობრივი მოცემულობაა, ძირითადი საშუალებაა მივიღოთ ადამიანებისაგან ის, რაც გვსურს და გადაწყვიტოთ წარმოქმნილი უთანხმოებები. სხვა სიტყვებით, რომ ვთქვათ, მოლაპარაკება არის შესაძლებლობა ორი ან მეტი მხარისთვის მიიღოს საუკეთესო და სამართლიანი შედეგი.

„მოლაპარაკებების სტრატეგიის“ კურსი განკუთვნილია, როგორც კომპანიების ტოპ-მენეჯმენტისათვის და დირექტორებისათვის, ასევე საშუალო და ზედა რგოლის მენეჯერებისთვის, მათ შორის გაყიდვების, შესყიდვების, პროექტის მენეჯერებისთვის და ზოგადად ყველასათვის, ვინც საქმიანი მოლაპარაკების წარმოებაშია ჩართული. ეს განსაკუთრებით მნიშვნელოვანია იმ კომპანიებისათვის, რომელთა საქმიანობა დაკავშირებულია, მოლაპარაკებების მუდმივ პროცესთან. მათ შორის – კლიენტებთან, მომწოდებელთან, პარტნიორთან, დაქვემდებარებულთან და ნებისმიერ სხვა მხარესთან, ვისთანაც ცდილობს საკუთარი ინტერესების დაცვას.

რას მივიღებთ კურსის გავლით?

კურსის გავლის შემდეგ მონაწილეებს ექნებათ ეფექტური მოლაპარაკების ჩასატარებლად საჭირო თეორიული და პრაქტიკული ცოდნა, შესაბამისი ტექნიკები და უნარები. კურსის გავლის შემდეგ თქვენ შეიარაღებულნი იქნებით მოლაპარაკების ინსტრუმენტებით, გექნებათ მოქმედების საკუთარი ალგორითმი და სტრატეგია. გექნებათ ყველა საფუძველი იმისთვის, რომ შემდგომი მოლაპარაკებები უფრო შედეგიანი და ეფექტური გახადოთ. აღარ მოგიწევთ რეფლექსური და მოუმზადებელი პასუხების გაცემა და მოქმედება მოლაპარაკების დროს.

შეძლებთ განასხვაოთ მოლაპარაკებათა სხვადასხვა სტილები და ოპონენტის ფსიქოტიპები. დეტალურად გააანალიზოთ და პრაქტიკაში გამოიყენოთ ინტერესებზე დაფუძნებული მოლაპარაკების ტექნიკები. საინტერესო ქეისები და როლური თამაშები ცოდნას უფრო გამოყენებადს, ხოლო სწავლის პროცესს კი უფრო სახალისოს გახდის.

მოლაპარაკებების ხელოვნება, რომ კარგად შეისწავლო, არაა საკმარისი მხოლოდ წესების სწავლა, აქ საჭიროა ერკვეოდე მოლაპარაკების ფსიქოლოგიაში, ანუ ადამიანების ფსიქოლოგიაში მოლაპარაკებების დროს. გესმოდეთ მათი მოტივები, მიზნები, აზრები, ქცევები, სტილები და ა.შ.

ყველა მონაწილე მიიღებს კურსის მასალების ნაკრებს და შესაბამის სერტიფიკატს.

რა არის კურსის მიზანი?

• შეგეძლებათ ბიზნეს-მოლაპარაკებების მიზნების განსაზღვრა, თქვენი ბიზნესის სპეციფიკიდან გამომდინარე
• შეძლებთ მოლაპარაკებების დაგეგმვას ოპონენტის თავისებურებების გათვალისწინებით
• ისწავლით მოლაპარაკებების სტრატეგიის შემუშავებას თქვენი მიზნებიდან გამომდინარე
• ისწავლით ოპონენტის ფსიქოტიპის და ქცევის ანალიზს
• შეძლებთ, როგორც საკუთარი, ასევე მეორე მხარის ემოციების კონტროლს
• ისწავლით მოლაპარაკებების სტილების ამოცნობას და მათდამი შესაბამის მომზადებას
• გაერკვევით მკაცრი მოლაპარაკებების ნიუანსებში და დაკითხვის ფსიქოლოგიაში
• ისწავლით საკუთარი თავის საჭირო იმიჯის შექმნას და გაერკვევით სოციალურ როლებში მოლაპარაკების დროს
• შეძლებთ სხვადასხვა შესაძლო ქცევის ვარიანტებიდან საუკეთესოს შერჩევას
• თქვენ ისწავლით მოლაპარაკების დროს ერთი შეხედვით რთული და უპერსპექტივო სიტუაციიდან საუკეთესო გამოსავლის პოვნას
• შეძლებთ მოლაპარაკებების დროს საკუთარი ინტერესების მაქსიმალურ დაცვას
• ისწავლით საჭირო რეზულტატის მიღწევის ტაქტიკებს